أبْوَابُ صِفَةِ الْجَنَّةِ عَنْ رَسُولِ اللَّهِ ﷺ

کۆباسى تایبه‌تمه‌ندیی بەهەشت لە پێغەمبەری خواوە ﷺ

بَابُ مَا جَاءَ فِي صِفَةِ شَجَرِ الْجَنَّةِ

باسی ئەوەى هاتووە دەربارەی تایبەتمەندیی درەختى بەهەشت

٥٥٥. عَنْ أَبِي هُرَيْرَةَ h عَنْ رَسُولِ اللَّهِ ﷺ أَنَّهُ قَالَ: «إِنَّ فِي الجَنَّةِ لَشَجَرَةً يَسِيرُ الرَّاكِبُ فِي ظِلِّهَا مِائَةَ عَامٍ».

ئەبو هوڕەیڕە h له‌ پێغەمبەری خواوه‌ ﷺ دەگێڕێتەوە كه‌ فەرموویەتی: «بەڕاستی لە بەهەشتدا جۆرە درەختێک هەیە، سوارێک بۆ ماوەی سەد ساڵ لەژێر سێبەرەکەی دەڕوات و تەواوی ناکات».

بَابُ مَا جَاءَ فِي صِفَةِ دَرَجَاتِ الجَنَّةِ

باسی ئەوەى هاتووە دەربارەی تایبەتمەندیی پلەکانى بەهەشت

٥٥٦. عَنْ أَبِي هُرَيْرَةَ h قَالَ: قَالَ رَسُولُ اللَّهِ ﷺ: «فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ مِائَةُ عَامٍ».

ئەبو هوڕەیڕە h دەڵێت: پێغەمبەری خوا ﷺ فەرموویەتی: «لە بەهەشتدا سەد پلە هەیە، نێوانی هەردوو پلەیەک (بەئەندازەی) سەد ساڵ (ڕۆیشتن)ە».

٥٥٧. عَنْ جَرِيرِ بْنِ عَبْدِ اللَّهِ البَجَلِيِّ h قَالَ: كُنَّا جُلُوسًا عِنْدَ النَّبِيِّ ﷺ فَنَظَرَ إِلَى القَمَرِ لَيْلَةَ البَدْرِ، فَقَالَ: «إِنَّكُمْ سَتُعْرَضُونَ عَلَى رَبِّكُمْ فَتَرَوْنَهُ كَمَا تَرَوْنَ هَذَا القَمَرَ لَا تُضَامُونَ فِي رِؤيتِهِ، فَإِنْ اسْتَطَعْتُمْ أَنْ لَا تُغْلَبُوا عَلَى صَلَاةٍ قَبْلَ طُلُوعِ الشَّمْسِ وَصَلَاةٍ قَبْلَ غُرُوبِهَا فَافْعَلُوا»، ثُمَّ قَرَأَ: «﴿ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ ﴾ ق: 39».

جەریری کوڕی عەبدوڵڵاى بەجەلى h دەڵێت: جارێکیان ئێمە لە خزمەت پێغەمبەر ﷺ دانیشتبووین، ته‌ماشای مانگی چوارده‌ی كرد، فه‌رمووی: «ئێوه‌ په‌روه‌ردگارتان ده‌بینن (له‌ ڕۆژی قیامه‌تدا) هه‌ر وه‌كوو چۆن ئه‌م مانگه‌ ده‌بینن كه‌ پێویستتان به‌ قەره‌باڵغیكردن نییه‌، ئه‌گه‌ر توانیتان شه‌یتان به‌سه‌رتاندا زاڵ نه‌بێت بۆ نوێژی به‌یانی و نوێژی عه‌سر ئه‌م نوێژانه‌ له ‌سه‌ره‌تای كاته‌كه‌یاندا بكه‌ن»، پاشان ئه‌م ئایه‌ته‌ی خوێنده‌وه‌: «﴿ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ ﴾، واته‌: خوا بەپاك بگرە و سوپاس و ستاییشی‌ بكه‌ (واتە: نوێژ بكه)‌ له‌پێش خۆهەڵاتن و‌ له‌پێش خۆرئاوابوون».

٥٥٨. عَنْ أَبِي سَعِيدٍ الخُدْرِيِّ h قَالَ: قَالَ رَسُولُ اللَّهِ ﷺ: «إِنَّ اللَّهَ يَقُولُ لِأَهْلِ الجَنَّةِ: يَا أَهْلَ الجَنَّةِ، فَيَقُولُونَ: لَبَّيْكَ رَبَّنَا وَسَعْدَيْكَ، فَيَقُولُ: هَلْ رَضِيتُمْ؟ فَيَقُولُونَ: مَا لَنَا لَا نَرْضَى وَقَدْ أَعْطَيْتَنَا مَا لَمْ تُعْطِ أَحَدًا مِنْ خَلْقِكَ، فَيَقُولُ: أَنَا أُعْطِيكُمْ أَفْضَلَ مِنْ ذَلِكَ، قَالُوا: أَيُّ شَيْءٍ أَفْضَلُ مِنْ ذَلِكَ؟ قَالَ: أُحِلُّ عَلَيْكُمْ رِضْوَانِي فَلَا أَسْخَطُ عَلَيْكُمْ أَبَدًا».

ئەبو سەعیدى خودری h دەڵێت: پێغەمبەری خوا ﷺ فەرموویەتی: «بەدڵنیایی خوا بە بەهەشتییەكان دەفەرموێت: ئەی خەڵكی بەهەشت، ئەوانیش دەڵێن: لە خزمەتداین ئەی پەروەردگارمان بۆ هەر شتێک جێگای ڕەزامەندیی تۆ بێت ئامادەین، پێیان دەفەرموێت: ئایا ڕازی بوون (بەوەی پێتان دراوە)؟ دەڵێن: بۆچی ڕازی نەبین لە کاتێکدا ئەوەندەت پێ داوین کە پێشتر بە هیچ کام لە دروستكراوەکانت نەداوە، دەفەرموێت: دەی شتێکتان پێ دەدەم چاکتر بێت لەوەی کە پێم داون، دەڵێن: چ شتێک هەیە چاکترە لەوە (ئەی پەروەردگارمان)؟ (خوای بەرز) دەفەرموێت: ڕازیبوونی منتان پێ دەبەخشرێت و ئیدی بە هیچ جۆرێک لێتان توڕە نابم بەهەمیشەیی».

بَابُ مَا جَاءَ حُفَّتِ الجَنَّةُ بِالمَكَارِهِ وَحُفَّتِ النَّارُ بِالشَّهَوَاتِ

باسی ئەوەى هاتووە كە بەهەشت بە ناخۆشییه‌كان، دۆزەخیش بە ئارەزووه‌كان دەور دراون

٥٥٩. عَنْ أَنَسٍ h: أَنَّ رَسُولَ اللَّهِ ﷺ قَالَ: «حُفَّتِ الجَنَّةُ بِالمَكَارِهِ، وَحُفَّتِ النَّارُ بِالشَّهَوَاتِ».

ئەنەس h دەگێڕێتەوە: پێغەمبەری خوا ﷺ فەرموویەتی: «بەهەشت دەور دراوە بە ناخۆشییەکان، دۆزەخیش دەوردراوە بە ئارەزووەکان».

🖍   تێبینی:

مەبەست ئەوەیە ئەگەر كەسێك بیەوێت بەرەو بەهەشت بڕوات، دەبێت تەحەممولى سەختى و ناڕەحەتی زۆر بكات كە لە جێبەجێكردنى واجبەكان و خۆگرتنەوە لە قەدەغەكان خۆى دەنوێنێت، بەڵام كەسێك بەدوای ئارەزووەكانى بكەوێت، ئەوە شوورا و پەرژینى دۆزەخ دەبڕێت و دەچێتە نێو دۆزەخەوە.

بَابُ مَا جَاءَ فِي صِفَةِ أَنْهَارِ الجَنَّةِ

باسی ئەوەى هاتووە دەربارەی تایبەتمەندیی ڕووبارەکانى بەهەشت

٥٦٠. عَنْ حَكِيمِ بْنِ مُعَاوِيَةَ، عَنْ أَبِيهِ h عَنِ النَّبِيِّ ﷺ قَالَ: «إِنَّ فِي الجَنَّةِ بَحْرَ المَاءِ وَبَحْرَ العَسَلِ وَبَحْرَ اللَّبَنِ وَبَحْرَ الخَمْرِ، ثُمَّ تُشَقَّقُ الأَنْهَارُ بَعْدُ».

حەکیمى کوڕى موعاویە، لە باوکیەوە h له‌ پێغەمبەره‌وه‌ ﷺ دەگێڕێتەوە كه‌ فەرموویەتى: «بێگومان لە بەهەشتدا دەریای ئاو هەیە، دەریای هەنگوین، دەریای شیر و دەریای مەی هەیە، ئینجا لەدوای ئەم دەریایانەوە ڕووبارەکان هەڵدەقوڵێن».

٥٦١. عَنْ أَنَسِ بْنِ مَالِكٍ h قَالَ: قَالَ رَسُولُ اللَّهِ ﷺ: «مَنْ سَأَلَ اللَّهَ الجَنَّةَ ثَلَاثَ مَرَّاتٍ قَالَتِ الجَنَّةُ: اللَّهُمَّ أَدْخِلْهُ الجَنَّةَ، وَمَنْ اسْتَجَارَ مِنَ النَّارِ ثَلَاثَ مَرَّاتٍ قَالَتِ النَّارُ: اللَّهُمَّ أَجِرْهُ مِنَ النَّارِ».

ئەنەسى کوڕى مالیک h دەڵێت: پێغەمبەری خوا ﷺ فەرموویەتی: «هەر کەسێک سێ جاران داوای بەهەشت لە خوا بکات، بەهەشت دەڵێت: ئەی خوایە بیخە نێو بەهەشتەوە، هەرکەسێکیش سێ جاران خۆی بە خوا بپارێزێت لە ئاگری دۆزەخ، ئاگری دۆزەخ دەڵێت: ئەی خوایە لە ئاگر بیپارێزە».