أبْوَابُ الصَّوْمِ عَنْ رَسُولِ اللَّهِ ﷺ

کۆباسی ڕۆژوو لە پێغەمبەری خواوە ﷺ

بَابُ مَا جَاءَ فِي فَضْلِ شَهْرِ رَمَضَانَ

باسی ئەوەى هاتووە دەربارەی پێگە و گەورەیی مانگی ڕەمەزان

١٣٩. عَنْ أَبِي هُرَيْرَةَ h قَالَ: قَالَ رَسُولُ اللَّهِ ﷺ: «مَنْ صَامَ رَمَضَانَ وَقَامَهُ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ، وَمَنْ قَامَ لَيْلَةَ القَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ».

ئەبو هوڕەیڕە h دەڵێت: پێغەمبەری خوا ﷺ فەرموویەتى: «هەر کەسێک ڕەمەزان بەڕۆژوو بێت و شەوەکانیشی شەونوێژ بکات، بڕوای پێی هەبێت و چاوەڕێی پاداشت بێت، لە گوناهەکانى ڕابردووی دەبوردرێت، هەر کەسێکیش شەوی قەدر شەونوێژ بکات و بڕوای پێی هەبێت و چاوەڕێی پاداشت بێت، لە گوناهەکانى ڕابردووی دەبوردرێت».

بَابُ مَا جَاءَ أَنَّ الصَّوْمَ لِرِؤيةِ الهِلَالِ وَالإِفْطَارَ لَهُ

باسی ئەوەى هاتووە کە ڕۆژووگرتن بە بینینى مانگە، كردنە جەژنیش بەبینینى مانگی یەكشەوەى شەوالە

١٤٠. عَنِ ابْنِ عَبَّاسٍ k قَالَ: قَالَ رَسُولُ اللَّهِ ﷺ: «لَا تَصُومُوا قَبْلَ رَمَضَانَ، صُومُوا لِرِؤيتِهِ وَأَفْطِرُوا لِرِؤيتِهِ، فَإِنْ حَالَتْ دُونَهُ غَيَايَةٌ، فَأَكْمِلُوا ثَلَاثِينَ يَوْمًا».

ئیبن عەبباس k دەڵێت: پێغەمبەری خوا ﷺ فەرموویەتى: «پێش مانگى ڕەمەزان بەڕۆژوو مەبن، بەڵام بەڕۆژوو بن بەهۆى بینینى مانگ لە یەکەم شەوى ڕەمەزان، بیکەنە جەژن بەهۆى بینینى مانگ لە یەکەم شەوى شەوال، ئەگەر مانگتان نەبینی بەهۆی هەر هۆکارێک (وەک ئاسمان غێم بێت)، ئەوە سی ڕۆژ تەواو بکەن (ئینجا بیكەن بە جەژن)».

بَابُ مَا جَاءَ فِي تَعْجِيلِ الإِفْطَارِ

باسی ئەوەى هاتووە دەربارەی پەلەکردن لە بەربانگکردن

١٤١. عَنْ سَهْلِ بْنِ سَعْدٍ k قَالَ: قَالَ رَسُولُ اللَّهِ ﷺ: «لَا يَزَالُ النَّاسُ بِخَيْرٍ مَا عَجَّلُوا الفِطْرَ».

سەهلى کوڕى سەعد k دەڵێت: پێغەمبەری خوا ﷺ فەرموویەتى: «بەردەوام خەڵک لە خێر و چاکەدان هەتا زوو بەربانگ بکەنەوە».

بَابُ مَا جَاءَ فِي بَيَانِ الفَجْرِ

باسی ئەوەى هاتووە دەربارەی دەرکەوتنى بەیانى

١٤٢. عَنْ أَبِي طَلْقُ بْنُ عَلِيٍّ h: أَنَّ رَسُولَ اللَّهِ ﷺ قَالَ: «كُلُوا وَاشْرَبُوا، وَلَا يَهِيدَنَّكُمُ السَّاطِعُ المُصْعِدُ، وَكُلُوا وَاشْرَبُوا، حَتَّى يَعْتَرِضَ لَكُمُ الأَحْمَرُ».

ئەبو تەلقی کوڕی عەلى h دەگێڕێتەوە: پێغەمبەری خوا ﷺ فەرموویەتى: «بخۆن و بخۆنەوە، با ڕووناکی (بەیانی ناڕاست) بەپەلەتان نەخات، بخۆن و بخۆنەوە تا ڕووناکی سوورتان بۆ دەردەکەوێت».

بَابُ مَا جَاءَ فِي التَّشْدِيدِ فِي الغِيبَةِ لِلصَّائِمِ

باسی ئەوەى هاتووە دەربارەی هەڕەشەکردن لە غەیبەتکردنى ڕۆژووەوان

١٤٣. عَنْ أَبِي هُرَيْرَةَ h: أَنَّ النَّبِيَّ ﷺ قَالَ: «مَنْ لَمْ يَدَعْ قَوْلَ الزُّورِ وَالعَمَلَ بِهِ، فَلَيْسَ لِلَّهِ حَاجَةٌ بِأَنْ يَدَعَ طَعَامَهُ وَشَرَابَهُ».

ئەبو هوڕەیڕە h دەگێڕێتەوە: پێغەمبەر ﷺ فەرموویەتى: «هەر کەسێک واز لە وتەی درۆ و کارپێکردنى نەهێنێت، خوا هیچ پێویستى بەوە نییە کە واز بهێنێت لە خواردن و خواردنەوە».

بَابُ مَا جَاءَ فِي فَضْلِ السَّحُورِ

باسی ئەوەى هاتووە دەربارەی گەورەیی پارشێوکردن

١٤٤. عَنْ أَنَسٍ h: أَنَّ النَّبِيَّ ﷺ قَالَ: «تَسَحَّرُوا فَإِنَّ فِي السَّحُورِ بَرَكَةً».

ئەنەس h دەگێڕێتەوە: پێغەمبەر ﷺ فەرموویەتى: «پارشێو بکەن، چونکە بەڕاستى لە پارشێوکردن بەرەکەت هەیە».

بَابُ مَا جَاءَ فِي الرُّخْصَةِ فِي الصَّوْمِ فِي السَّفَرِ

باسی ئەوەى هاتووە دەربارەی مۆڵەتدان بۆ ڕۆژوونەگرتن لە گەشتدا

١٤٥. عَنْ أَبِي سَعِيدٍ الخُدْرِيِّ h قَالَ: كُنَّا نُسَافِرُ مَعَ رَسُولِ اللَّهِ ﷺ فِي رَمَضَانَ، فَمَا يَعِيبُ عَلَى الصَّائِمِ صَوْمَهُ، وَلَا عَلَى المُفْطِرِ إِفْطَارَهُ.

ئەبو سەعیدى خودری h دەڵێت: لەگەڵ پێغەمبەری خوا ﷺ لە مانگى ڕەمەزان گەشتمان دەکرد، ئەوەی بەڕۆژوو بوو ڕەخنەى لێ نەدەگیرا بەهۆی ڕۆژووەکەى، ئەوەی بەڕۆژووش نەبوو ڕەخنەى لێ نەدەگیرا بەهۆی ڕۆژوونەگرتنی.

بَابُ مَا جَاءَ فِي الصَّوْمِ عَنِ المَيِّتِ

باسی ئەوەى هاتووە دەربارەی ڕۆژووگرتن لەجیاتى مردوو

١٤٦. عَنِ ابْنِ عَبَّاسٍ k قَالَ: جَاءَتْ امْرَأَةٌ إِلَى النَّبِيِّ ﷺ فَقَالَتْ: إِنَّ أُخْتِي مَاتَتْ وَعَلَيْهَا صَوْمُ شَهْرَيْنِ مُتَتَابِعَيْنِ، قَالَ: «أَرَأَيْتِ لَوْ كَانَ عَلَى أُخْتِكِ دَيْنٌ أَكُنْتِ تَقْضِينَهُ»، قَالَتْ: نَعَمْ، قَالَ: «فَحَقُّ اللَّهِ أَحَقُّ».

ئیبن عەبباس k دەڵێت: ئافرەتێک هاتە خزمه‌ت پێغەمبەر ﷺ، گوتی: خوشکم مردووە و بەڕۆژووبوونی دوو مانگ بەدوای یەکدا قەرزارە، فەرمووی: «ئایا ئەگەر خوشکەکەت قەرزێکی لەئەستۆ بێت، ئایا بۆی دەدەیتەوە؟»، گوتی: بەڵێ، فەرمووی: «مافی خوا شیاوترە بە دانەوەی».

بَابُ مَا جَاءَ فِيمَنْ اسْتَقَاءَ عَمْدًا

باسی ئەوەى هاتووە دەربارەی ڕۆژووگر بەئەنقەست خۆی بڕشێنێتەوە

١٤٧. عَنْ أَبِي هُرَيْرَةَ h: أَنَّ النَّبِيَّ ﷺ قَالَ: «مَنْ ذَرَعَهُ القَيْءُ، فَلَيْسَ عَلَيْهِ قَضَاءٌ، وَمَنْ اسْتَقَاءَ عَمْدًا فَلْيَقْضِ».

ئەبو هوڕەیڕە h دەگێڕێتەوە: پێغەمبەر ﷺ فەرموویەتى: «هەر کەسێک بەبێ ویستی ڕشایەوە، گێڕانەوەی لەسەر نییە، هەر کەسێک بەئەنقەست خۆی بڕشێنێتەوە، پێویستە ڕۆژووەکەی بگرێتەوە».

بَابُ مَا جَاءَ فِي الصَّائِمِ يَأْكُلُ أَوْ يَشْرَبُ نَاسِيًا

باسی ئەوەى هاتووە دەربارەی ڕۆژووگر بە لەبیرچوونەوە شت بخوات یان بخواتەوە

١٤٨. عَنْ أَبِي هُرَيْرَةَ h قَالَ: قَالَ رَسُولُ اللَّهِ ﷺ: «مَنْ أَكَلَ أَوْ شَرِبَ نَاسِيًا وَهُوَ صَائِمٌ فَلَا يُفْطِرْ، فَإِنَّمَا هُوَ رِزْقٌ رَزَقَهُ اللَّهُ».

ئەبو هوڕەیڕە h دەڵێت: پێغەمبەری خوا ﷺ فەرموویەتى: «هەر کەسێک بخوات، یان بخواتەوە بەهۆی لە بیرچوونەوە لە کاتێکدا بەڕۆژوویە، با ڕۆژووەکەی بەردەوام بکات و نەیشکێنێت، چونکە ئەوە ڕۆزییەکە خوا پێى داوە».

بَابُ مَا جَاءَ فِي القُبْلَةِ لِلصَّائِمِ

باسی ئەوەى هاتووە دەربارەی ماچکردن بۆ ڕۆژووەوان

١٤٩. عَنْ عَائِشَةَ i: أَنَّ النَّبِيَّ ﷺ كَانَ يُقَبِّلُ فِي شَهْرِ الصَّوْمِ.

عائیشە i دەگێڕێتەوە: پێغەمبەر ﷺ لە مانگی ڕەمەزان ماچی دەکرد.

بَابُ مَا جَاءَ لَا صِيَامَ لِمَنْ لَمْ يَعْزِمْ مِنَ اللَّيْلِ

باسی ئەوەى هاتووە ڕۆژووى بەتاڵە هەر کەسێک نیەتى بەڕۆژووبوونى نەبێت لە شەودا

١٥٠. عَنْ حَفْصَةَ i عَنِ النَّبِيِّ ﷺ قَالَ: «مَنْ لَمْ يُجْمِعِ الصِّيَامَ قَبْلَ الفَجْرِ، فَلَا صِيَامَ لَهُ».

حەفصە i له‌ پێغەمبەره‌وه‌ ﷺ دەگێڕێتەوە كه‌ فەرموویەتى: «هەر کەسێک نیاز و نیەتى بەڕۆژووبوونى نەهێنێت لەپێش بەیانى، ئەوە ڕۆژووى قبووڵ نییە».

بَابُ صِيَامِ المُتَطَوِّعِ بِغَيْرِ تَبْيِيتٍ

باسی ئەوەى هاتووە دەربارەی بەڕۆژووبوونى سوننەت بەبێ نیەتهێنان لە شەودا

١٥١. عَنْ عَائِشَةَ أُمِّ المُؤْمِنِينَ i قَالَتْ: دَخَلَ عَلَيَّ رَسُولُ اللَّهِ ﷺ يَوْمًا، فَقَالَ: «هَلْ عِنْدَكُمْ شَيْءٌ؟»، قَالَتْ: قُلْتُ: لَا، قَالَ: «فَإِنِّي صَائِمٌ».

عائیشە دایکى بڕواداران i دەڵێت: ڕۆژێکیان پێغەمبەری خوا ﷺ هاتە لام، فەرمووى: «ئایا هیچ شتێکتان لەلایە (خواردن)»، گوتم: نەخێر، فەرمووى: «دەی من بەڕۆژووم».

بَابُ مَا جَاءَ فِي كَرَاهِيَةِ صَوْمِ يَوْمِ الجُمُعَةِ وَحْدَهُ

باسی ئەوەى هاتووە دەربارەی ناپەسندیى بەڕۆژووبوونى ڕۆژی هەینى بەتەنها

١٥٢. عَنْ أَبِي هُرَيْرَةَ h قَالَ: قَالَ رَسُولُ اللَّهِ ﷺ: «لَا يَصُومُ أَحَدُكُمْ يَوْمَ الجُمُعَةِ إِلَّا أَنْ يَصُومَ قَبْلَهُ أَوْ يَصُومَ بَعْدَهُ».

ئەبو هوڕەیڕە h دەڵێت: پێغەمبەری خوا ﷺ فەرموویەتى: «با کەسێکتان بە ڕۆژوو نەبێت لە ڕۆژی هەینیدا، مەگەر ڕۆژێک لەپێشیدا، یان لەپاشیدا لەگەڵیدا بەڕۆژوو بێت».

بَابُ مَا جَاءَ فِي كَرَاهِيَةِ صَوْمِ يَوْمِ السَّبْتِ

باسی ئەوەى هاتووە دەربارەی ناپەسندیى بەڕۆژووبوونى ڕۆژی شەممە

١٥٣. عَنْ عَبْدِ اللَّهِ بْنِ بُسْرٍ k، عَنْ أُخْتِهِ i: أَنَّ رَسُولَ اللَّهِ ﷺ قَالَ: «لَا تَصُومُوا يَوْمَ السَّبْتِ إِلَّا فِيمَا افْتَرَضَ اللَّهُ عَلَيْكُمْ، فَإِنْ لَمْ يَجِدْ أَحَدُكُمْ إِلَّا لِحَاءَ عِنَبَةٍ أَوْ عُودَ شَجَرَةٍ فَلْيَمْضُغْهُ».

عەبدوڵڵاى کوڕى بوسر k، لە خوشکیه‌وه‌ i دەگێڕێتەوە: پێغەمبەری خوا ﷺ فەرموویەتى: «ڕۆژی شەممە (بەتەنها) بەڕۆژوو مەبن تەنیا لەو ڕۆژووە نەبێت کە لەسەرتان فەڕزە، ئەگەر هیچ شتێک لە خۆراکیشتان دەست نەکەوت کە بیخۆن، تەنیا پەلکى ترێ، یان لقە دارێکیش بێت با هەر بیجوێت (بەڕۆژوو نەبێت)».

بَابُ مَا جَاءَ فِي صَوْمِ يَوْمِ الِاثْنَيْنِ وَالخَمِيسِ

باسی ئەوەى هاتووە دەربارەی ڕۆژووی دووشەممە و پێنجشەممە

١٥٤. عَنْ أَبِي هُرَيْرَةَ h: أَنَّ رَسُولَ اللَّهِ ﷺ قَالَ: «تُعْرَضُ الأَعْمَالُ يَوْمَ الِاثْنَيْنِ وَالخَمِيسِ، فَأُحِبُّ أَنْ يُعْرَضَ عَمَلِي وَأَنَا صَائِمٌ».

ئەبو هوڕەیڕە h دەگێڕێتەوە: پێغەمبەری خوا ﷺ فەرموویەتى: «ڕۆژی دووشەمە و پێنجشەمە کارەکان دەخرێنه‌ ڕوو (لەلای خوا)، بۆیە پێمخۆشە لە کاتی خستنه‌ڕووی کارەکەم بەڕۆژوو بم».

بَابُ مَا جَاءَ فِي الحَثِّ عَلَى صَوْمِ يَوْمِ عَاشُورَاءَ

باسی ئەوەى هاتووە دەربارەی سووربوون لەسەر بەڕۆژووبوونى ڕۆژی عاشوڕاء

١٥٥. عَنْ أَبِي قَتَادَةَ h: أَنَّ النَّبِيَّ ﷺ قَالَ: «صِيَامُ يَوْمِ عَاشُورَاءَ، إِنِّي أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ».

ئەبو قەتادە h دەگێڕێتەوە: پێغەمبەر ﷺ فەرموویەتى: «بەڕۆژووبوونى ڕۆژی عاشوڕاء، من واى دادەنێم ببێتە کەفاڕەتى ساڵی ڕابردوو لەلای خوا».

بَابُ مَا جَاءَ فِي العَمَلِ فِي أَيَّامِ العَشْرِ

باسی ئەوەى هاتووە دەربارەی کارى چاکە لە دە ڕۆژەکەدا

١٥٦. عَنِ ابْنِ عَبَّاسٍ k قَالَ: قَالَ رَسُولُ اللَّهِ ﷺ: «مَا مِنْ أَيَّامٍ العَمَلُ الصَّالِحُ فِيهِنَّ أَحَبُّ إِلَى اللَّهِ مِنْ هَذِهِ الأَيَّامِ العَشْرِ»، فَقَالُوا: يَا رَسُولَ اللَّهِ، وَلَا الجِهَادُ فِي سَبِيلِ اللَّهِ؟ فَقَالَ رَسُولُ اللَّهِ ﷺ: «وَلَا الجِهَادُ فِي سَبِيلِ اللَّهِ، إِلَّا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ».

ئیبن عه‌بباس k ده‌ڵێت: پێغه‌مبه‌ری خوا ﷺ فه‌رموویه‌تی: «هیچ ڕۆژانێك نییه‌ كرده‌وه‌ی چاك تێیاندا خۆشه‌ویستتر بێت لای خوا‌ له‌م دە ڕۆژانه‌دا»، (واته‌: ده‌ ڕۆژی سه‌ره‌تای مانگی زیلحیججه‌)، گوتیان: ئه‌ی پێغه‌مبه‌ری خوا، ته‌نانه‌ت جیهادكردنیش له‌پێناو خوا؟ فه‌رمووی: «نه‌خێر ته‌نانه‌ت جیهادكردنیش له‌پێناو خوا، مه‌گه‌ر پیاوێك بە خۆی و بە ماڵەكەی ده‌رچووه‌ بۆ جیهادكردن، نه‌ خۆی ده‌گه‌ڕێته‌وه‌ نه‌ ماڵی ده‌گه‌ڕێته‌وه».

بَابُ مَا جَاءَ فِي صِيَامِ سِتَّةِ أَيَّامٍ مِنْ شَوَّالٍ

باسی ئەوەى هاتووە دەربارەی ڕۆژووگرتنى شەش ڕۆژ لە مانگى شەوالدا

١٥٧. عَنْ أَبِي أَيُّوبَ h قَالَ: قَالَ النَّبِيُّ ﷺ: «مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ فَذَلِكَ صِيَامُ الدَّهْرِ».

ئەبو ئەیووب h دەڵێت: پێغەمبەر ﷺ فەرموویەتى: «هەر کەسێک مانگى ڕەمەزان بەڕۆژوو ببێت، ئینجا لەدوای ئەودا شەش ڕۆژ لە شەوال بەڕۆژوو بێت، وەک ئەوە وایە کە هەموو ساڵەکە بەڕۆژوو بووبێت».

بَابُ مَا جَاءَ فِي صَوْمِ ثَلَاثَةِ أَيَّامٍ مِنْ كُلِّ شَهْرٍ

باسی ئەوەى هاتووە دەربارەی ڕۆژووگرتنی سێ ڕۆژ لە هەموو مانگێک

١٥٨. عَنْ أَبِي ذَرٍّ h قَال: قَالَ رَسُولُ اللَّهِ ﷺ: «يَا أَبَا ذَرٍّ، إِذَا صُمْتَ مِنَ الشَّهْرِ ثَلَاثَةَ أَيَّامٍ فَصُمْ ثَلَاثَ عَشْرَةَ، وَأَرْبَعَ عَشْرَةَ، وَخَمْسَ عَشْرَةَ».

ئەبو زەڕ h دەڵێت: پێغەمبەری خوا ﷺ فەرمووی: «ئەى ئەبو زەڕ ئەگەر سێ ڕۆژ لە هەموو مانگێک بەڕۆژوو بوویت، با ڕۆژووەکانت لە سێزدە و چواردە و پازدەى مانگ بێت».

بَابُ مَا جَاءَ فِي فَضْلِ الصَّوْمِ

باسی ئەوەى هاتووە دەربارەی ڕێز و پاداشتى بەڕۆژووبوون

١٥٩. عَنْ أَبِي هُرَيْرَةَ h قَالَ: قَالَ رَسُولُ اللَّهِ ﷺ: «إِنَّ رَبَّكُمْ يَقُولُ: كُلُّ حَسَنَةٍ بِعَشْرِ أَمْثَالِهَا إِلَى سَبْعِ مِائَةِ ضِعْفٍ، وَالصَّوْمُ لِي وَأَنَا أَجْزِي بِهِ، وَالصَّوْمُ جُنَّةٌ مِنَ النَّارِ».

ئەبو هوڕەیڕە h دەڵێت: پێغەمبەری خوا ﷺ فەرموویەتى: «پەروەردگارتان دەفەرموێت: هەر چاکەیەک بەقەد دەی هاووێنەی خۆیەتی تا دەگاتە حەوت سەد جار، ڕۆژوو بۆ منە و هەر منیش پاداشتەکەی دەدەمەوە، ڕۆژوو پارێزە لە ئاگر».

بَابُ مَا جَاءَ فِي كَرَاهِيَةِ الوِصَالِ لِلصَّائِمِ

باسی ئەوەى هاتووە دەربارەی ناپەسندیى بەیەکبەستنەوەى ڕۆژوو بۆ ڕۆژووه‌وان

١٦٠. عَنْ أَنَسٍ h قَالَ: قَالَ رَسُولُ اللَّهِ ﷺ «لَا تُوَاصِلُوا»، قَالُوا: فَإِنَّكَ تُوَاصِلُ يَا رَسُولَ اللَّهِ، قَالَ: «إِنِّي لَسْتُ كَأَحَدِكُمْ، إِنَّ رَبِّي يُطْعِمُنِي وَيَسْقِينِي».

ئەنەس h دەڵێت: پێغەمبەری خوا ﷺ فەرموویەتى: «ڕۆژوو مەبەستنەوە بەیەکەوە»، گوتیان: ئەى پێغەمبەری خوا ﷺ خۆ تۆ ڕۆژوو بەیەکەوە دەبەستیەوە، فەرمووى: «حاڵى من وەکوو ئێوە نییە، چونکە من خواردن و خواردنەوەم پێ دەدرێت».

🖍   تێبینی:

مەبەست لە ڕۆژوو بەیەکەوە بەستنەوە ئەوەیە کە بەڕۆژوو بیت، شەویش هیچ نەخۆیت و دووبارە بەیانی بەڕۆژوو بیتەوە.

بَابُ مَا جَاءَ فِي إِجَابَةِ الصَّائِمِ الدَّعْوَةَ

باسی ئەوەى هاتووە دەربارەی وەڵامدانەوەى ڕۆژووەوان بۆ بانگهێشتی خواردن

١٦١. عَنْ أَبِي هُرَيْرَةَ h عَنِ النَّبِيِّ ﷺ قَالَ: «إِذَا دُعِيَ أَحَدُكُمْ إِلَى طَعَامٍ فَلْيُجِبْ، فَإِنْ كَانَ صَائِمًا، فَلْيُصَلِّ»، يَعْنِي: الدُّعَاءَ.

ئەبو هوڕەیڕە h له‌ پێغەمبەره‌وه‌ ﷺ دەگێڕێتەوە كه‌ فەرموویەتى: «ئەگەر کەسێک لە ئێوە بانگهێشتی خواردن کرا با وەڵامی خاوەنەکەی بداتەوە (بە چوونی)، ئەگەر بەڕۆژووش بوو با دوعایان بۆ بکات». (ڕاوی ده‌ڵێت: فلیصل) واته‌: دوعاكردن.

بَابُ مَا جَاءَ فِي الِاعْتِكَافِ

باسی ئەوەى هاتووە دەربارەی مانەوە لە مزگەوت

١٦٢. عَنْ عَائِشَةَ i: أَنَّ النَّبِيَّ ﷺ كَانَ يَعْتَكِفُ العَشْرَ الأَوَاخِرَ مِنْ رَمَضَانَ حَتَّى قَبَضَهُ اللَّهُ.

عائیشە i دەگێڕێتەوە: پێغەمبەر ﷺ لە دە شەوى کۆتایی ڕەمەزان ئیعتیکافى دەکرد، هەتا خوا گیانى پاکى وەرگرتەوە.

بَابُ مَا جَاءَ فِي لَيْلَةِ القَدْرِ

باسی ئەوەى هاتووە دەربارەی شەوی قەدر

١٦٣. عَنْ عَائِشَةَ i قَالَتْ: كَانَ رَسُولُ اللَّهِ ﷺ يُجَاوِرُ فِي العَشْرِ الأَوَاخِرِ مِنْ رَمَضَانَ، وَيَقُولُ: «تَحَرَّوْا لَيْلَةَ القَدْرِ فِي العَشْرِ الأَوَاخِرِ مِنْ رَمَضَانَ».

عائیشە i دەڵێت: پێغەمبەری خوا ﷺ لە دە شەوەکانى کۆتایی ڕەمەزان لە مزگەوت دەمایەوە، دەیفەرموو: «بەدوای شەوى قەدر بگەڕێن لە دە شەوى کۆتایی ڕەمەزان».

بَابُ مَا جَاءَ فِي الصَّوْمِ فِي الشِّتَاءِ

باسی ئەوەى هاتووە دەربارەی ڕۆژووگرتن لە زستاندا

١٦٤. عَنْ عَامِرِ بْنِ مَسْعُودٍ h عَنِ النَّبِيِّ ﷺ قَالَ: «الغَنِيمَةُ البَارِدَةُ الصَّوْمُ فِي الشِّتَاءِ».

عامیری کوڕی مەسعوود h له‌ پێغەمبەره‌وه‌ ﷺ دەگێڕێتەوە كه‌ فەرموویەتى: «دەستکەوتی ئاسان و بێ ماندووبوون ڕۆژووگرتنە لە زستاندا».

بَابُ المُعْتَكِفِ يَخْرُجُ لِحَاجَتِهِ أَمْ لَا

باسی ئەوە كە ئایا موعتەکیف بۆ کاری پێویست لە مزگەوت دەردەچێت یان نا

١٦٥. عَنْ عَائِشَةَ i قَالَتْ: كَانَ رَسُولُ اللَّهِ ﷺ إِذَا اعْتَكَفَ أَدْنَى إِلَيَّ رَأْسَهُ فَأُرَجِّلُهُ، وَكَانَ لَا يَدْخُلُ البَيْتَ إِلَّا لِحَاجَةِ الإِنْسَانِ.

عائیشە i دەڵێت: کاتێک کە پێغەمبەری خوا ﷺ لە ئیعتیکافدا بوو، سەرى خۆی بۆ نزیک دەکردمەوە و منیش پرچیم بۆ دادەهێنا، پێغەمبەری خوا ﷺ نەدەهاتەوە نێو ماڵەوە تەنیا بۆ کارى پێویستى مرۆڤ نەبێت.

🖍   تێبینی:

ماڵی پێغەمبەر ﷺ دراوسێی مزگەوت بووە، لە کاتی ئیعتیکاف هەر لەنێو مزگەوتەوە تەنها سەری موبارەکی بردۆتە ئەودیوی ماڵی خۆی.

بَابُ مَا جَاءَ فِي فَضْلِ مَنْ فَطَّرَ صَائِمًا

باسی ئەوەى هاتووە دەربارەی پاداشتى ئەو كەسەی ڕۆژووگر لای ئەو ڕۆژوو دەشكێنێت

١٦٦. عَنْ زَيْدِ بْنِ خَالِدٍ الجُهَنِيِّ h قَالَ: قَالَ رَسُولُ اللَّهِ ﷺ: «مَنْ فَطَّرَ صَائِمًا كَانَ لَهُ مِثْلُ أَجْرِهِ، غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا».

زەیدى کوڕى خالیدى جوهەنی h دەڵێت: پێغەمبەری خوا ﷺ فەرموویەتى: «هەر کەسێک خواردنی ڕۆژووەوانێک بدات، پاداشتى بۆ دەبێت وەکوو پاداشتى ئەو، به‌بێ ئەوەى هیچ شتێک لە پاداشتى ڕۆژووەوانەکە کەم بێتەوە».